किरात समाचारः किरात धर्मगुरु मुहिङगुम अङसीमाङ आत्मानन्द सेइङ तथा मुहिङगुम अङसीमामाङ साबा पवित्रहाङमा लिङदेन निजी निवास गुरुआश्रममा विश्व शान्तिको निमित्त सप्ताहव्यापी सेवा सम्पन्न भएको छ ।
सेवा समारोहमा किरात धर्मगुरुले आशिर्वचन प्रदान गर्नुहुदै, विश्व शान्ति मानव एकतालाई जोड दिनु भएको थियो । उहाले विश्वमा शान्तिको आवश्यक छ, अहिले भईरहेको युक्रेन रसिया युद्ध चाडै अन्त्य होस् मैले कामना गरेको छु । म नेपाल देशको एउटा सानो नागरिक हु तै पनि युक्रेन, रसियाका सबै तहका मानिसहरुको आत्मामा माङको बास होस् । मैले यो सेवामा औधि माङसंग सेवा लगाएको छु । किरात धर्मगुरुले अहिले स्थानीय तहको चुनाबपनि आइरहेको छ जनताले सहि जनमत खसाउन आग्रह गर्नुभयो । सबै नेता तथा उम्मेद्वारलाई जितको शुभकामना दिनुहुदै, आफ्नो मात्रृ भाषालाई संरक्षण र संर्वद्धनका लागि स्थानीय सरकारले सोच्नु पर्ने बताउनु भयो । माङसेबुङ गाउपालिका वडा ५ मा कामकाजी भाषा घोषणा भएको छ । यसलाई निरन्तरता दिनका लागि माङसेबुङका सबै वडामा लिम्बु, राई, मगर, गुरुङ भाषाको कामकाजी घोषणा गर्नु होला ।
वहाँले किरात भाषा, किरात साहित्य, किरात धर्म परापुर्वकालदेखि भएको कुरालाई जोडदिनुहुदै, किरात धर्मको संरक्षण गर्नका लागि स्थानीय सरकारलाई आग्रह गर्नु भयो । वहाले, केपी ओलिलाई दुई दुई पटक आशिर्वाद दिएपनि काम नगरेको गुनासो गर्नुभयो । गुरुले थप्नुभयो माङले दिनपनि जानेको छ, लिनपनि जानेको छ, अन्तत दिन लिन जानिएन भने खरानीपनि हुने बताउनु भयो ।
सेवा समापन कार्यक्रममा माङसेबुङ गाउपालिकाका निर्वतमान अध्यक्ष डिकेन्द्र इधिङगोले महाबति प्रज्वलन गरेर समुद्धघाटन भएको थियो ।
कार्यक्रममा नेकपा एमाले माङसेबुङका अध्यक्ष हेमन्त राई पालिकाका निवर्तमान उपाध्यक्ष सुनिता सुब्बा, क्रमशः बुद्धी खनाल, राष्ट्रिय जनमुक्ति पार्टीका केन्द्रीय अध्यक्ष केपि पालुङवा, वडा ५ का निवर्तमान अध्यक्ष नरेन्द्र कुमार राई मंगोल नेश्नल अर्गनाइजेस माङसेबुङ गाउपालिका अध्यक्ष प्रेमराज केरुङ, माङसेबुङ ५ का स्वतन्त्र उम्मेद्वार सुवदल सेलिङ, गुरु नीजि कानुनी सल्लाहकार एन.एस फागो, पूर्व निजी सचिव माङमिङसोहाङ लिङदेन, माङगेन्ना सेवाका अध्यक्ष केहेरसिं योङहाङ लगायतको उपस्थिति रहेको थियो ।
सोही अवसरमा माङसेबुङ गाउपालिका गठबन्धन अध्यक्ष उम्मेदवार डिकेन्द्र इधिङगो, उपाध्यक्ष बिनोद नेम्बाङ, माङसेबुङ ३ नं. वडाका अध्यक्ष उम्मेद्वार लक्षमण राई खम्बु, नेवि संघका केन्द्रीय सदस्य प्रमिका मगरलगायतले किरात धर्मगुरु र गुरुआमाको हस्तवाहुलीमा माङफुङ, फुलमाला ग्रहण, शिर उठाउने र किरात धर्ममा दिक्षित समेत भएको थियो ।
सेवा समापन कार्यक्रमको औचित्य मन्तव्य गुरु आश्रम भौतिक निमार्णका अध्यक्ष तथा कार्यक्रम सह अध्यक्ष देउमान आङबुहाङले गरेको थिए भने टिकाराम केरुङको अध्यक्षतामा कार्यक्रम भएको थियो ।
बैसाख १५ गतेबाट सुरु भएको विश्व शान्ति तथा मानव एकताका लागिभएको सेवामा किरात धर्मावलम्बीहरुको बाक्लो उपस्थिति रहेको थियो ।
