किरात समाचार : काठमाडौंमा सम्पन्न बहुभाषिक नाट्य उत्सव २०७९ मा लिम्बू भाषाको नाटक मन्चन गरिएको छ ।
काठमाडौंको थपागाउँस्थित कुञ्च थिएटर आरोहण गुरुकुलमा किरात लिम्बू मिथकमा आधारित ‘सिमिक्वा’ नाटक शुक्रबार मन्चन गरिएको हो । 
संगीत तथा नाट्य प्रज्ञा प्रतिष्ठान र स्कुल अफ थिएटरले संयुक्त रुपमा आयोजना गरेको बहुभाषिक नाट्य उत्सवमा मन्चन गरिएको ‘सिमिक्वा’ नाटकको निर्देशन विक्रम वनेम फागोको रहेको छ । सहनिर्देशनमा चेतन आङ्थुपोले साथ दिएका छन् ।
लेखक शिवकुमार श्रेष्ठको कथा संकलन रहेको छ । सो कथालाई नाट्य रुपान्तरण सुमन लिङदेनले गरेका छन् । किरात लिम्बू मिथकमा आधारित नाटकमा कलाकारहरु मिना नेम्बाङ (आम्मो),पासाङ ल्हामुु शेर्पा (छोरी), मनकुमार योङहाङ (यवा), शिखर लाम्गादे (च्याउ, चरा), सविरन राई (च्याउ, चरा), उज्वल घिमिरे (सानो चरा) लगायतको अभिनय रहेको छ । 
नाटकमा राजकुमार आङदेम्बेको भाषा तथा भेषभूूषा, मनाङ लावतीको प्रप्स तथा लाइट डिजाइन, सन्तोष गिरीको ध्वनी, रचना लावतीको हाम्लाक्वा प्रस्तुति रहेको छ । यसैगरि प्राविधिकमा सञ्जय विश्वकर्मा, भाषा अनुवादमा डिल्ली मुसाहाङ अम्यङसा र यवा सर्दममा टंक केरुङ रहेका छन् । 
