इलाम । पर्यटकिय रामसार क्षेत्र माईपोखरीमा त्रिधार्मिक पर्यटन उत्सव शुरु भएको छ । इलामको सन्दकपुर गाउँपालिकामा रहेको रामसार क्षेत्र माईपोखरीमा त्रिधार्मिक पर्यटन उत्सव शुरु भएको हो ।
त्रिधार्मिक पर्यटन उत्सवमा किराँत, बौद्य र हिन्दु धर्मगुरुहरुको प्रवचन हुने धार्मिक पर्यटन उत्सवको उद्घाटन सन्दकपुर गाउँपालिकाको अध्यक्ष तुलाराम गुरुङले उद्घाटन गरेका थिए । धार्मिक,पर्यटकीय गन्तव्यको रुपमा परिचित माईपोखरी रामसार क्षेत्रमा सुचिकृत भएको छ ।
माईपोखरी धार्मिक पर्यटकीय क्षेत्रमा पुग्न इलाम सदरमुकामबाट १८ किलोमिटर दूरीमा रहेको छ । माईपोखरी धार्मिक र पर्यटकीय क्षेत्रमा महोत्सवका लागि पर्यटकहरु आउने क्रम पनि शुरु भएको छ । धार्मिक पर्यटन उत्सवमा ९ दिन नै बसेर पोखरीमा ध्यान गर्ने, पुजा गर्ने भक्तजनहरु र धर्मगुरुहरु आउने क्रम बढेको छ । त्यस्तै नेपाल, भारत र भुटान सम्मका १० लाख बढी पर्यटक भक्तजत भित्रयाउने लक्ष्य रहेको आयोजक समितिको रहेको छ ।
