धनकुटा । याक्थुङ लेखक संघ जिल्ला कार्य समिति धनकुटाले लिम्बू भाषा शिक्षा छात्रवृत्ति पुरस्कार वितरण तथा स्रष्टा सम्मान कार्यक्रम गर्ने भएको छ । आगामी माघ ५ गते शनिबार चौबिसे गाउँपालिका धनकुटाको सभा हलमा सो कार्यक्रम गर्ने भएको हो ।
कार्यक्रममा शैक्षिक सत्र २०८० को वार्षिक परीक्षामा लिम्बू भाषाबाट कक्षा १२ मा बोर्ड टप गरेकी छात्रा बसन्ता माङयुङ र छात्र मिलन फेजोङलाई लिम्बू भाषा शिक्षा छात्रवृती पुरस्कार प्रदान गर्न लागेको याक्थुङ लेखक संघ जिल्ला कार्य समिती धनकुटाका अध्यक्ष कबिन तुम्बापोले बताए ।
यसैगरी कार्यक्रममा २०६४ सालदेखि निरन्तर साहित्य क्षेत्रमा कलम चलाउँदै आएका र हालै मात्र तक्सङ माइली कविता कृति प्रकाशन गरेका कवि श्रीमान खजुम र लिम्बू भाषा शिक्षा कक्षा सन्चालन मिति २०७९ सालदेखि सुरु गरेर स्थापनादेखि लगातार बोर्ड टप गराउन सफल सरस्वती मा.वि. केराबारी–१ पाटी मोरङका लिम्बू भाषा शिक्षक सुक्र आङदेम्बेलाई सम्मान गर्ने भएको छ ।
कार्यक्रम चौबिसे गाउँपालिकाका अध्यक्ष राजकुमार चेम्जोङको प्रमुख आथित्यता सम्पन्न हुने यालेस धनकुटाका अध्यक्ष तुम्बापोले बताए ।
