१२ असार २०८१, मंगलबार | Tue Jun 25 2024

प्रदेश १ को नाम ‘लिम्बुवान,किरात’ प्रदेश राख्न संघर्ष समितिको माग



काठमाडौ : विभिन्न दल र सामाजिक संस्थाका प्रतिनिधिहरुले प्रदेश १ को नाम ‘लिम्बुवान, किरात प्रदेश’ राख्न माग गरेका छन् ।

‘लिम्बुवान, किरात संयुक्त संघर्ष समिति’मा आबद्ध दल र सामाजिक संस्थाका प्रतिनिधिहरुले आज काठमाडौंको अनामनगरमा पत्रकार सम्मेलन गरी प्रदेश १ को नाम लिम्बुवान, किरात राख्न माग गरेका हुन् ।

उनीहरुले आफूहरुको मागलाई नजरअन्दाज गरी प्रदेशको नाममा लिम्बुवान शब्द समावेश नगरे दीर्घकालीन आन्दोलनमा होमिने र त्यसले जनताको दिगो शान्ति र अमनचयनमा असर पुग्ने चेतावनी समेत दिएका छन् ।

नेकपा माओवादी सम्बद्ध लिम्बुवान राष्ट्रिय मोर्चाका अध्यक्ष मुक्सामहाङ मेन्याङबो, जनता समाजवादी पार्टी सम्बद्ध लिम्बुवान राष्ट्रिय समितिका अध्यक्ष खगेन्द्र माखिम, संघीय लोकतान्त्रिक राष्ट्रिय मञ्चका अध्यक्ष कुमार लिङदेन, नेपाली कांग्रेसको लिम्बुहरुको तर्फबाट उत्तमसिंह थाङदेन, नेकपा एमाले सम्बद्ध लोकतान्त्रिक लिम्बु संघका अध्यक्ष त्रिवेणी चोङबाङ, किरात याक्थुङ चुम्लुङका अध्यक्ष प्रेम येक्तेन, लिम्बु विद्यार्थी मञ्चकी अध्यक्ष दीपा लक्सम र याक्थुङ युवाका केन्द्रीय सदस्य सुनिल आङबोले हस्ताक्षर गरेको प्रेस विज्ञप्तिमा १४ जिल्ला समेटिएको प्रदेश १ को नाम ‘लिम्बुवान, किरात प्रदेश’ राख्नुपर्ने उल्लेख छ ।     साल्पा अनलाइनबाट ।

प्रकाशित मिति : २५ असार २०७९, शनिबार  ३ : ०७ बजे