१२ असार २०८१, मंगलबार | Tue Jun 25 2024

महागुरु फाल्गुनन्दको चेला बलिराज इङ्नाम अस्वस्थ | kiratsamachar



झापा – किरात धर्म दर्शनदाता , समाज सुधारक ,राष्ट्रिय विभूति महागुरु फाल्गुनन्द लिङ्देनको  चेला बलिराज इङ्नाम अस्वस्थ भएका छन् ।

उमेरले ९५ वर्ष पार गरेका इङ्नाम दुइ महिनाअघिबाट खाना नरुच्ने, मधुमेह बढेको कारण अस्वास्थ हुन पुगेका हुन् ।

अस्पतालको केही बसाईपछि हाल इङ्नाम आफ्नै निवास अर्जुनधारा ११ सालबारी स्थित स्वास्थ लाभ गर्दै बसेका छन् ।

तेह्रथुमको आठराईबाट २०१८ सालमा झापाको शनिश्चरे आई बसेका इङ्नाम शनिश्चरे गाउँ पञ्चायत समितिका २ कार्यकाल वडाध्यक्ष भएर जनसेवक बने ।

पञ्चायतकालमै बुटन चौधरी हत्याकाण्डसँगै उनलाई पनि छप्काउन आएको बेला बालबाल बचेका इङ्नाम इमान्दार लिडर स्वाभाका थिए ।

कसैसँग नझुक्ने भएको हुँदा २०२८ सालको हत्याकाण्ड बारे उनीसँग प्रशस्तै स्मरण छ । त्यस्तै उनी २०४६ सालको जनआन्दोलनपछि जातीय मुक्ति, राष्ट्रिय स्वाधिनताका लागि राष्ट्रिय जनमुक्ति पार्टीमार्फत जनताको सेवामा अगाडि बढे ।

२ पटक संसदीय निर्वाचनमा समेत जनमुक्ति पार्टीको चुनाव चिन्ह घर लिएर उठ्दा धेरैको साथ पाएको उनी सम्झन्छन् ।

लेखक तथा पत्रकार कुमार भट्टराई बलिराज इङ्नाम घर चिन्हमा उम्मेद्वार हुँदा आफूले पनि पोष्टरिङ गर्न सहयोग गरेको सम्झन्छन् ।

त्यसबेला इङ्नामले विजय हाँसिल गर्न नसके पनि मत भने प्रशस्त प्राप्त गरेका थिए । उनको उपचार पश्चात घरैमा सेवा गर्दै बसेका छोरा वाईबी इङ्नाम भन्छन्, ‘किरात धर्म र जनमुक्ति पार्टीमा बुबाले गरेको योगदान अतुलनीय छ ।’

काटमार हत्या, हिंसा जस्ता कार्यलाई बढवा दिनु नहुने तर्क राख्दै विभिन्न क्षेत्रमा आफ्ना विचार राख्दै हिंडेका बलिराज माङ्सेबुङमा हुने विभिन्न धार्मिक कार्यक्रममा पनि आफ्ना विचार राख्दै आएका थिए ।

प्रकाशित मिति : १० भाद्र २०७९, शुक्रबार  १ : ०९ बजे