२ असार २०८१, शनिबार | Sat Jun 15 2024

उपेन्द्र सुब्बालाई दिव्यबिक्रम नेम्बाङ स्मृति पुरस्कार | kiratsamachar



दमक – कवि तथा लेखक उपेन्द्र सुब्बालाई दिव्यबिक्रम नेम्बाङ स्मृति पुरस्कार प्रदान गरिएको छ ।

झापाको बिर्तामोडमा आयोजित पुरस्कार वितरण कार्यक्रममा  कवि  सुब्बालाई शुक्रबार दिब्यबिक्रम नेम्बाङ स्मृति पुरस्कार प्रमुख अतिथि कृष्ण बरालको हस्तबाहुलिबाट नगद ३० हजार रुपैंयाँ राशी सहित सम्मान–पत्र वितरण गरिएको हो ।

कविको कृति डाँडामाथिको घामजून र गडतिरका राँकेभुतहरु (कविता सङ्ग्रह), होङ्ग्रायो भोग र पाङ्ग्रा (कविता सङ्ग्रह), खोलाको गीत (कविता सङ्ग्रह), लाटो पहाड (कथा सङ्ग्रह) कृति प्रकाशित छन् ।

यसअघि उक्त पुरस्कार कवि प्रकाश थाम्सुहाङ र कृष्ण बराल पुरस्कृत भइसकेका छन् । यो पुरस्कार दिव्यबिक्रम नेम्बाङ स्मृति प्रतिष्ठानले बार्षिक रुपमा प्रदान गर्दै आएको स्व.दिव्यबिक्रमका छोरा कवि नन्दहाङ नेम्बाङले बताए । पाँचथरको पौवासारतापमा  जन्मेका स्व दिव्यबिक्रम नेम्बाङ   सामाजिक, राजनीतिक व्यक्तित्वको रुपमा परिचित छन् ।

 

प्रकाशित मिति : २४ भाद्र २०७९, शुक्रबार  ११ : ५८ बजे