वाग्मती प्रदेश मन्त्रिपरिषद्को सोमबार बसेको बैठकले नेवार समुदायले बोल्ने ‘नेपाल भाषा’ र तामाङ समुदायले बोल्ने ‘तामाङ भाषा’लाई सरकारी कामकाजको भाषा बनाउने प्रक्रिया अघि लैजाने निर्णय गरेको आर्थिक माामिला तथा योजनामन्त्री शालिकराम जम्कट्टेलले जानकारी दिनुभयो । ‘
मन्त्री जम्कट्टेलले भन्नुभयो, ‘वाग्मती प्रदेश सरकारको आज मिति २०७९/५/२७ गते बसेको मन्त्रिपरिषद्को बैठकले वाग्मती प्रदेशभित्र नेपाल भाषा र तामाङ भाषालाई कामगाजको भाषा बनाउने प्रक्रिया अगाडि बढाउने निर्णय गरको छ ।’
सामाजिक विकासमन्त्री कुमारी मुक्तानले पनि नेवार समुदायको नेपाल भाषा र तामाङ भाषालाई सरकारी कामकाजी भाषा बनाउने प्रक्रिया अगाडि बढाउने निर्णय भएको ग्लोबल मिडियालाई जानकारी दिनुभयो । बैठकले उद्योगमन्त्रालय अन्तर्गतका केही कार्यविधि पारित समेत गरेको छ ।
वाग्मतीभित्रको जनसंख्याका आधारमा १८ प्रतिशतले तामाङ र करिब १२ प्रतिशतले नेवार भाषा बोलिने गरेको छ । उक्त प्रतिवेदनमा वाग्मतीसहित देशका सातै प्रदेशमा नेपालीबाहेकका ११ वटा भाषालाई सरकारी कामकाजको भाषाको रुपमा सिफारिस गरेको आयोगका सदस्य अमृत योञ्जन तामाङले जानकारी दिनुभयो । उहाँका अनुसार वाग्मतीमा दुई भाषा र अन्य प्रदेशमा केहीमा १ र केहीमा २/३ वटासम्म सरकारी कामकाजको भाषाका लागि सिफारिस गरिएको थियो । globalemedia.com बाट
