किरात समाचार । पान्थरको कुम्मायक गाउँपालिकास्थित कुम्मायक शक्तिपिठमा फागुन ५ गतेदेखि १२ गतेसम्म संचालित सप्ताहव्यापी सेवाको तेस्रो दिन आज आइतबार पनि सेवा गर्न आउने भक्तजनहरुको संख्या बड्दो रहेको छ ।
विश्व शान्ति मानव एकताका लागि आयोजना गरिएको सप्ताव्यापी किरात सावायेहाङ ताप्फेक सेवाको तेस्रो दिनमा पनि कुम्मायक शक्तिपिठमा सेवा गर्न आउने किरात धर्मावलम्बी भक्तजन र दर्शनार्थीहरुको उपस्थिति बढ्दो रहेको किरात सावायेहाङ थिबोङ याक्थुङहाङसा आप्लुङ्मेन ताप्फेक सेवा आयोजक समितिले जानकारी दिए ।
किरात धर्मगुरु मुहिङगुम अङसीमाङ लिङदेन आत्मानन्द ‘सेइङ’ तथा मुहिङगुम अङसीमामाङ साँबा पवित्रहाङमा लिङ्देनले गत शुक्रबार किरात सावायेहाङ थिबोङ याक्थुङहाङसा आप्लुङ्गेन ताप्फेक सेवाको दिप प्रज्वलन गरि उद्घाटन गर्नुभएको हो ।
दैनिक बिहान दिउँसो र रातमा गरि तीन प्रहर हुने बिशेष सेवामा १ करोड ५० लाख १ हजार १ सय ८ दिप प्रज्वलन गरि सेवा संचालन भइरहेको सेवा आयोजक समितिले जनाएको छ ।
सेवामा इलाम , पाँचथर, झापा, मोरङ, ताप्लेजुङ, तेर्हथुम, सुनसरी, धनकुटा, भारतको सिक्किम, दार्जिलिङ, आसाम, भुटान, हङकङ, अमेरिका,अस्ट्रेलिया , बेलायत लगायतबाट किरात धर्मावलम्बीहरुको सहभागिता जनाइएको छ ।
