दमक । काठमाडौंका लागि उडेको मनाङ एयरको हेलिकोप्टर लामजुराडाँडामा दुर्घटनाग्रस्त भएको छ ।
सोलुखुम्बुको सुर्केबाट बिहान ९ : ५२ मा उडेको मनाङ एयरको नाइन एन – एएमभी कलसाइनको हेलिकोप्टर लिखुपिके गाउँपालिका-५ लामजुराको च्यानडाँडामा दुर्घटनाग्रस्त अवस्थामा भेटिएको गाउँपालिका अध्यक्ष मीना कार्की बस्नेतले जानकारी दिइन् ।
क्याप्टेन चेत गुरुङले हेलिकोप्टर उडाएका थिए । हेलिकोप्टरमा क्याप्टेनबाहेक ५ जना विदेशी रहेको लुक्ला विमानस्थलका एटीसी अफिसर सागर कँडेलले जानकारी दिए । दुर्घटनामा ५ जनाको शव भेटिएको छ । उनिहरुको पहिचान हुन बाकी रहेको उद्दारकार्यमा खटिएको नेपाल प्रहरीले बताएको छ । र, अझै एकजना बेपत्ता रहेको र खोजिकार्य भैरहेको जनाइएको छ । घटना के कारणले भएको अझै खुल्न सकेको छैन।
