किरात धर्मगुरु आत्मानन्द लिङ्देनको ७२औं जन्मोत्सवमा सञ्चालित निःशुल्क दन्त परीक्षण शिविरमा परीक्षण गर्नेहरूलाई आमा डेन्टल केयर प्रालिले विशेष छुट प्रदान गर्ने भएको छ।
झापाको दमक नगरपालिका-६ थानारोड र वडा नं. १ रबी स्टेन्डगेटमा रहेको आमा डेन्टल केयरले ओपिडी‚ डेन्टल एक्सरे लगायत सेवामा छुट दिने भएको हो। शिविरमा दन्त परीक्षण गर्ने बिरामीहरूलाई नि:शुल्क ओपिडी सेवा दिने भएको छ। यस्तै, डेन्टल एक्स-रेमा दुई महिनासम्म ५० र सबै किसिमका दन्त उपचार सेवामा पाँचदेखि ३० प्रतिशतसम्म छुट दिने जनाइएको छ।
किरात धर्मगुरुको जन्मोत्सवको अवसरमा आमा डेन्टल केयरले इलामको माङसेबुङ गाउँपालिका-‚ माङसेबुङमा मंसिर १८ गते सञ्चालन गरेको शिविरमा निःशुल्क दन्त परीक्षण‚ दाँत खोल्ने सेवा र औषधि उपलब्ध गराएको थियो। उक्त शिविरमा २०० जनाको दन्त परीक्षण गराएका थिए। शिविरमा डा. मीरा आचार्य र डा. दिपक थापाको टोली खटिएको थियो।
