- योगेश लाओती
पान्थर । किरात धर्मगुरु मुहिङगुम अङसीमाङ लिङ्देन आत्मानन्द सेइङको चेला महर्षी डिल्लीप्रसाद तुम्बापो (जौबारी कान्छा) को जन्मजयन्ती मनाइएको छ ।
डिल्लिप्रसाद तुम्बापो (जौबारी कान्छा) अध्ययन प्रतिष्ठानको आयोजनामा शनिबार पान्थरको फेदेन नगरपालिका ५ स्थित लोब्रेकुटीमा जौबारी कान्छाको ८८ औ जन्मजयन्ती मनाइएको हो ।
लिम्बु सांस्कृतिक परिषदका अध्यक्ष सागर केरुङ लिम्बूको प्रमुख आतिथ्यमा शुभकामना आदानप्रदान तथा सम्मान कार्यक्रम समेत सम्पन्न भएको थियो ।
प्रतिष्ठानद्वारा केरुङ सम्मानित
डिल्ली प्रसाद तुम्बापो (जौबारी कान्छा) अध्ययन प्रतिष्ठानले किरात धर्ममा योगदान पुर्याउदै आएका व्यक्तित्वहरुलाई प्रत्येक बर्ष जन्मजयन्तीको अवसरमा सम्मान गर्दै आइरहेको छ ।
यसैगरी प्रतिष्ठानले यसपटक सम्मानित फालेलुङ गाउँपालिका वडा नं. ७ सिदेन निवासी साङ्दाङगेन वरुमसाबा मछतबहादुर केरुङलाई सम्मान पत्रद्वारा सम्मान गरेको छ ।
कार्यक्रममा प्रमुख अतिथि लिम्बु सांस्कृतिक परिषद अध्यक्ष
सागर केरुङ लेखक रमेश तुम्बापो लगायतले जौबारी कान्छाले किरात धर्ममा पुर्याएको योगदानको चर्चा गर्दै शुभकामना मन्तव्य राखेका थिए ।
डिल्लिप्रसाद तुम्बापो (जौबारी कान्छा) अध्ययन प्रतिष्ठानको अध्यक्ष ध्रुव तुम्बापोको अध्यक्षतामा सम्पन्न भएको कार्यक्रम सचिव सुबास तुम्बापो (काङसोरे) ले संचालन गरेका थिए ।
