किरात समाचारः माङसेबुङ गाउँपालिकाले मौषमी कामदार कोरिया पठाउने विषयमा नेकपा एमालेसम्बद्ध राष्ट्रिय युवा संघ नेपाल माङसेबुङ गाउँ कमिटीले ध्यानाकर्षण भएको जनाएको छ । राष्ट्रिय युवा संघ नेपाल माङसेबुङ गाउँ कमिटीले एक विज्ञप्ती जारी गर्दै सो कुरा जनाएको हो ।
गाउँपालिकाका नागरिकलाई दुबिधामा पारि एकलौटी ढंगबाट प्रक्रिया अगाडि बढएको संघको आरोप छ । विज्ञप्तीमा कानूनी प्रक्रियाबाट निस्पक्ष ढंगले नागरिकहरुलाई कोरिया पठाउन माग गरेको हो ।
कामदार के कसरी पठाउने भन्नेबारे गाउँपालिकाले व्यवस्थित नगरेको आरोप लगाएको छ । युवा संघ माङसेबुङ गाउँपालिका कमिटि अध्यक्ष राजकुमार साम्बाको हस्ताक्षरित विज्ञप्तीमा भनिएको छ ।
उता गाउ“पालिका अध्यक्षका सल्लाहकार डम्बर लोरिङदेनका अनुसार गाउकार्यपालिकाको बैठकमा पटक पटक प्रस्तावमा ल्याउदा छलफल भएपनि उपाध्यक्षले स्विकार नगरेकोले, युवाहरुको अवसरलाई नगुमाउनका लागि गाउपालिकाका योग्य १ सय युवाहरुलाई कोरिया पठाउन प्रकृया मिलाइरहेको बताए ।
यस्तै प्रकृयाका लागि योग्य युवा माङसेबुङका सबै पार्टी र सबै जातिलाई पठाइन्नेछ, त्यसका लागि आवश्यक प्रक्रियामा बढेको मात्र हो, प्रकृयामा संमलग्नमा रहेका एक युवा रनमान थेबेले बताए । उनले भने, अध्यक्षले प्रकृयामा मात्रै ल्याउदै गरेको हो कामदार पठाउन बाकी रहेको छ ।
उनले थपेका छन् कार्यपालिकामा विधिवत निर्णय नभएपछि विज्ञापन नखुलिएकोले नेकपा एमाले सम्बद्ध राष्ट्रिय युवा संघ नेपाल माङसेबुङ गाउँ कमिटीले ध्यानाकर्षण गराउनु आफ्नै घुडोमा बन्चरो हान्नुमात्रै रहेको बताए । एमाले सम्बन्ध युवाहरुको पनि प्रकृयामा गएको छ, यस विषयमा यदि गाउपालिकाका युवाहरु कोरिया जाने प्रकृया पुरा भए हामी पत्रकार सम्मेलन गरेर आम गाउपालिकाका जनतालाई सार्वजानिक गर्नेपनि जानकारी दिए ।
गाउपालिका उपाध्यक्ष सुनिता सुव्वाका अनुसार कानुनविपरित कोरिया पठाउन लागिएकोप्रति खेद प्रकट गरेका छन् । उहाका अनुसार कार्यपालिकाको बैठकमा हचुवाको भरमा अध्यक्षले प्रस्तावमा ल्याएको नै हो तर यसको प्रकृया नपुगी छलपल नभएको स्विकारेका छन । अहिले कोरिया कामदार पठाउने विषयमा काङग्रेसमा लागौ कोरिया जाउ आभियानलाई मात्रै अगाडी बढाएको आरोप लगाए ।
उनका अनुसार कानुनी प्रकृया पुरा गरेर कामदार पठाइएमात्र भोलिहुने समस्यामा गाउपालिकाले समधानको बाटो सुझाउने कुरापनि बताउनुभयो ।
उता गाउँपालिकाले मौषमी कामदार कोरिया लाने बिषयमा गाउँपालिका प्रमुख प्रशासकीय अधिकृत डिल्लीराम सुवेदीका अनुसार प्रस्तावमा आएपनि निर्णय नभएको बताएका छन् ।
यस अघि माङसेबुङ गाउँपालिकाले मौषमी कामदार कोरिया पठाउने भनेर सम्झौता गरेको थियो ।
