माङ्सेबुङ । इलामको फाकफोकथुम गाउँपालिका–७ एकतप्पा रुपाटारमा मुहिङगुम अङसीमाङ महागुरु फाल्गुनन्द लिङदेनको १३९ औं जन्मजयन्ती कार्यक्रम भव्यताकोसाथ मनाउने भएको छ ।
सिद्ध किरात हाङसाम युमा माङहिमको आयोजनामा विविध कार्यक्रमकाविच किरात धर्म दर्शनदाता, समाज सुधारक राष्ट्रिय विभूति मुहिङगुम अङसीमाङ महागुरु फाल्गुनन्द लिङदेनको १३९ औं जन्मजयन्ती कार्यक्रम मनाउन लागिएको हो ।
जन्मजयन्तीको अवसरमा २० कातिकमा फाकफोक र देउमाई खोलाको दोभानमा साकमुरा वदेम्मा सेवा, २३ कातिकमा माङहिममा येतनाम्धुङ लाधुङ सेमी सेवा र २५ कातिकमा जन्मजयन्ती विशेषक कार्यक्रमका साथ साँस्कृतिक कार्यक्रम आयोजना गरिने माङहिमका अध्यक्ष पञ्च योङहाङले जानकारी दिए ।
साँस्कृतिक कार्यक्रममा गोमा लिम्बू, दिनेश लिम्बूलगायत कलाकारहरुको साँगीतिक प्रस्तुती रहनेछ ।
