माङसेबुङ । आत्मानन्द कप भलिबल प्रतियोगिताको फाइनलमा केपिसी र भद्रपुर झापाले फाइनलको यात्रा पक्का गरेको छ ।
इलामको माङसेबुङ ५ आत्मानन्द रंगशालामा शुक्रबार भएको भलिबल प्रतियोगिताको सेमिफाइनल खेलमा केपिसीले बार्हदर्सी झापालाई ३-१ को सेटमा र सिमाना मोरङलाई ३-० को सेटमा पराजित गर्दै केपिसी र भद्रपुर झापा फाइनलमा पुगेको हो ।
खेलमा बार्हदर्सी झापालाई पहिलो सेटमा २६–२४ र दोस्रो सेटमा २५–२३ र तेस्रो सेटमा बार्दर्सीले २५- २१ को सेटमा केपिसीलाई हराउँदै जित निकालेको थियोे । चौथो सेटमा २५- १६ ले पराजित गर्दै केपिसी फाइनलमा प्रवेश गरेको हो ।
यस्तै दोस्रो खेलमा सिमाना मोरङलाई पराजित गर्दै भद्रपुर नगरपालिका, झापा फाइनलमा प्रवेश गरेको छ । पहिलो सेटमा २५–१९ दोश्रो सेटमा २५–२ ० को तेस्रो सेटमा २५-१५ ले सिमाना मोरङलाई हराउँदै भद्रपुर फाइनलमा प्रवेश गरेको छ ।
प्रतियोगिताको फाइनलमा केपिसी र भद्रपुर झापा मंसिर १६ गते शनिबार प्रतिस्पर्धामा भिड्नेछन् ।
मुहिङगुम अङसीमाङ लिङदेन आत्मानन्द सेइङ ७० औं शुभजन्मोत्स तथा मुहिङगुम अङसीमामाङ साँबा पवित्रहाङमा लिङदेन नुमाङगेन्ना महान सेवा समारोह अवसरमा आयोजित खेलकुद कार्यक्रम अन्तरगत आत्मानन्द कप भलिबल प्रतियोगिता आयोजना गरिएको हो ।
भलिबल प्रतियोगिताको विजेताले नगद ७० हजार १ सय ७० उपबिजेताले ३५ हजार १ सय ७० ट्रफि, मेडल, प्रमाणपत्र प्राप्त गर्नेछन् ।
