माङसेबुङ । गायक दिपक लिम्बू र गायिका निरन्ता नेम्बाङको आवाज रहेको पालाम ‘फेदापे’ युट्यूवमार्फत सार्वजनिक गरिएको छ ।
खगेन्द्र पन्धाक लिम्बूको छायांकन तथा निर्देशन रहेको पालाम ‘फेदापे’ को म्युजिक भिडियो सेमिहाङ क्रिएशन युट्यूव च्यानलबाट सार्वजनिक गरिएको हो । भिडियोमा सेमिहाङ सिंगक र रेखा लिम्बूले अभिनय गरेका छन् ।
पालाममा चन्द्र कुबेर खापुङको शव्द संकलन र अशारसिं निङलेकुको लय संकलन रहेको छ । यस पालामको अडियो तिर्थराज मादेम्बा लिम्बूले निर्माण गरेका हुन् ।
भिडियोमा सेमिहाङ र रेखा अलावा तिर्थराज मादेम्बा, दिपक लिम्बू, निरन्ता नेम्बाङ, रीता श्रेङ चोङबाङ, नैनकला वनेम, चन्द्र कुमारी आङला मादेम्बा, इङजुम मादेम्बा र निर्मला आङलाको समेत अभिनय रहेको छ ।
तिर्थराज मादेम्बाको परिकल्पा रहेको भिडियोमा रेखा लिम्बूको मेकअप रहेको छ । जय प्रकाश लिम्बूको सहायक छायांकन तथा सहायक निर्देशन रहेको भिडियोमा खगेन्द्र पन्धाक लिम्बूकै सम्पादन र कलर रहेको छ ।
पालाम ‘फेदापे’ फेदापको लवज हो र फेदापथुम याक्थुङ् सभ्यताको पुरातन सभ्यता हो । फेदापको लवज र लय याक्थुङ् सभ्यताको सौन्दर्य प्रस्तुत गरिएको पालाम आम दर्शकको लागि रुचि बन्न सक्छ ।
पालाम भिडियो हेर्नुहोस…
